આ પછી સલમાનના ગુસ્સાનો બીજો કિસ્સો હાલ તાજો જ છે. સલમાનની આગામી ફિલ્મ 'એક થા ટાઈગરના શૂટિંગ દરમિયાન કેટરીનાના એક ડ્રેસને લઈને સલમાન ખૂબ જ નારાજ હતો. સાંભળવા તો ત્ય સુધી મળ્યુ હતુ કે સલમાને કેટરીના પર આ બદલ હાથ પણ ઉઠાવ્યો હતો. કેટરીનાએ એ સમયે કરીનાને નજીક જ શૂટિંગ કરી રહી હતી તેને ફોન કર્યો અને કરીનાએ સલમાનને સમજાવ્યો ત્યારે સલમાનનો ગુસ્સો શાંત થયો. આ વિશે જ્યારે સલમાનને પૂછવામાં આવ્યુ તો સલમાને કહ્યુ કે આ બધુ બકવાસ છે. અને કેટરીનાએ જવાબ આપ્યો.. કે હા.. મને એ ડ્રેસ બોડીગાર્ડ જેવો લાગ્યો તેથી મે તેને પહેરી લીધો.. પછી મે તે ડ્રેસ બદલી નાખ્યો હતો.
કેટરીના એક સુંદર અને કાબેલ અભિનેત્રી. કેટરીના 2003માં પ્રથમવાર મુંબઈ આવી ત્યારે તેની કોઈ ઓળખ નહોતી. તે મોડેલિંગ કરી રહી હતી. તેને 'બૂમ' ફિલ્મમાં ભરપૂર અંગ પ્રદર્શન સાથે બોલીવૂડમાં આગમન કર્યુ પણ આ તેને સફળતા ન મળી. આ દરમિયાન તેની મુલાકાત સલમાનની બહેન અલવીરા સાથે એક્સસાઈઝ ક્લાસમાં થઈ. એક દિવસ અલવીરા કેટરીનાને પોતાના ફેમિલી ફંક્શનમાં લઈ ગઈ જ્યા તેણે કેટની મુલાકાત સલમાન સાથે કરાવી. સલમાનને કેટ પ્રથમ નજરમાં જ ગમી ગઈ. આ મુલાકાત પછી એ બંને અવાર-નવાર મળવા લાગ્યા.
2004. આ સમય એ હતો જ્યારે સલમાનનો એશ્વર્યા સાથે બ્રેકઅપ થઈ ચૂક્યો હતો અને સલમાન ખૂબ જ એકલતા અનુભવી રહ્યો હતો. કેટરીનાએ તેના જીવનમાં ખુશીના જાણે કે ફૂલ પાથરી દીધા.
2005 માં સોહેલની ફિલ્મ મેને પ્યર ક્યો કિયા માં સલમાન સાથે કામ કરવા એક અભિનેત્રીની શોધ ચાલી રહી હતી. સલમાને આ માટે કેટરીનાને પસંદ કરી લીધી. તે સમયે કેટરીનાને ન તો હિન્દી આવડતુ હતુ કે ન તો કોઈપણ જાતનો ડાંસ આવડતો હતો. છતા કેટરીના બની ગઈ સલમાનની હીરોઈન. કેટરીનાને બોલીવૂડમાં ખૂબ નામ કમાવવું હતુ. આ ફિલ્મ કેટરીના માટે ખૂબ મોટો બ્રેક સાબિત થઈ. આ ફિલ્મ પછી કેટરીના દિવસો દિવસ ઊંચાઈઓ પર ચઢતી ગઈ.
આ સાથે જ સલમાન-કેટના અફેયર્સની ચર્ચાઓ પણ બોલિવૂડમાં હોટ ફેવરિટ બની ગઈ હતી.
2007 માં સલમાનની વધુ એક ફિલ્મ 'પાર્ટનર'માં પણ કેટરીનાને લેવામાં આવી, જો કે આ ફિલ્મમાં તેનો હીરો ગોવિંદા હતો. કેટ સલમાનની દોસ્તી વધુ ગાઢ બનવા માંડી હતી એ દરમિયાન જ સલમાન પર જાણે કે આભ તૂટી પડ્યુ. 2007માં જ સલમાનની એક ફિલ્મ 'હમ સાથ સાથ હૈ'ના શૂટિંગ દરમિયાન સલમાન પર હરણના શિકાર બદલ લાગેલા આરોપ માટે સલમાનને જેલ જવુ પડ્યુ. આ અગાઉ સલમાન 2002માં પણ એક રોડ અકસ્માત બદલ જેલમાં જઈ ચૂક્યો હતો. કેટરીના ખૂબ ઉદાસ થઈ ગઈ હતી. તે સલમાનના પરિવાર સાથે સલમાનને મળવા જેલમાં જતી, ત્યારે તેનો ઉદાસ ચેહરો બતાવતો હતો કે તેને સલમાનની કેટલી ચિંતા છે.
થોડા દિવસ પછી સલમાનને બેલ મળી ગઈ ત્યારે સલમાનના પ્રશંસકોએ સલમાનને ઘેરી વળ્યા હતા. સલમાનના ઘરની આસપાસ ખૂબ જ ભીડ ઉમટી પડી હતી. ફેંસથી બચવા સલમાન પાછળની દિવાલ કૂદીને ઘરમાં દાખલ થયો ત્યારે કેટરીના પણ તેની સાથે જ દિવાલ કૂદીને તેના ઘરમાં ગઈ હતી.
ત્યારબાદ 2008માં સલમાનની વધુ એક ફિલ્મ 'યુવરાજ' માં સલમાન-કેટની જોડી જોવા મળી. ફરી એક વખત સલમાન-કેટની શાનદાર કેમેસ્ટ્રીની લોકોમાં ચર્ચા થવા માંડી. લોકોને લાગતુ હતુ કે હવે આ જોડી જીવનસાથીની જોડીમાં પરિણમશે. સલમાન કેટરીના સાથે લગ્ન કરી જ લેશે. ગમે તે સમયે સલમાન આ ખુશ ખબર આપી શકે છે;
ચર્ચા કેમ ન થાય ? કેટરીના સલમાનના દરેક ફેમિલિ ફંક્શનમાં જોવા મળતી હતી. એ પછી કોઈની બર્થ ડે પાર્ટી હોય, ગણપતિ ઉત્સવ હોય કે સલમાનની ફિલ્મની પાર્ટી હોય.. કેટરીના વગર તો જાણે સલમાનની કોઈ પાર્ટી થતી જ નહોતી.
એટલુ જ નહી જ્યારે વચ્ચે એક એવો પણ સમય આવ્યો હતો જ્યારે સલમાનની ફિલ્મો ચાલતી ન હતી ત્યારે સલમાનની ફિલ્મની સફળતા માટે કેટરીના અજમેર શરીફની દર્ગા પર પણ માથુ ટેકવા જતી હતી. આ સમયે સલમાન પોતાના બોડીગાર્ડ શેરાને કેટરીનાની સુરક્ષા માટે તેની સાથે જ મોકલતો હતો.
આ વાતને 3 વર્ષ વીતી ગયા. સલમાન અને કેટરીના ક્યારેય પોતાના પ્રેમનો એકરાર સાર્વજનિક રૂપે સ્વીકારતા નહોતા. જેનુ કારણ હ્તુ સલમાનનો ગુસ્સો... કેટરીના પ્રત્યે સલમાનની દિવાનગી એટલી હદ સુધી વધી ગઈ હતી કે તે પોતાના દુશ્મનો સાથે કેટરીનાને કામ કરવા દીધુ નહોતુ. એવુ કહેવાય છે કે સલમાન અને એશ્વર્યાના બ્રેકઅપનું સૌથી મોટુ કારણ હતુ વિવેક ઓબેરોય. વિવેકનો અફેયર એશ્વર્યા સાથે હતો ત્યારે વિવેકે 51 વાર સલમાનને ધમકી આપી હતી. તેથી વિવેક સલમાનનો સૌથી મોટો દુશ્મન બની ગયો હતો. અને તેથી જ આજ સુધી કેટરીનાએ વિવેક સાથે કામ કર્યુ નથી.
સલમાનનો ગુસ્સો અને તેની દિવાનગી વચ્ચે અટવાયેલી કેટરીનાના જીવનમાં આ દરમિયાન એક બીજી વ્યક્તિએ એંટ્રી કરી. આ વ્યક્તિ હતો રણબીર કપૂર. રણબીર કપૂરની એટ્રીથી સલમાન-કેટની લવસ્ટોરીમાં ભૂકંપ આવી ગયો. સુંદર અભિનેતા રણબીર અને કેટની નિકટતા ફિલ્મ અજબ
પ્રેમ કી ગજબ કહાની દરમિયાન વધતી ગઈ. લોકો વચ્ચે ચર્ચા થવા માંડી અને એક દિવસ આ વાત સલમાનના કાન સુધી આવી પહોંચી. સલમાનને અંદાજ નહોતો કે કેટ રણબીરની આટલી નિકટ થઈ જશે પણ જ્યારે રણબીર-કેટના લગ્ન સુધીની વાત થવા માંડી ત્યારે સલમાને પોતાની અને કેટરીનાની દોસ્તીની વાતો લોકો વચ્ચે કરવા માંડી.
સલમાન દ્વારા દોસ્તીની કબૂલાતની વાત કેટરીનાને ગમી નહી.... કારણ કે સલમાને જ કહ્યુ હતુ કે આપણા સંબંધોની ચર્ચા કયારેય સાર્વજનિક ન થવી જોઈએ. એક બાજુ સલમાન કેટરીનાના સપનાં જોતો હતો તે હવે કેટ સાથે લગ્ન કરવા માંગતો હતો પણ કેટ તૈયાર નહોતી. ત્યારે બીજી બાજુ રણબીર કેટની મુલાકાતો વધતી જતી હતી. લોકોને આશ્વર્ય થતુ હતુ કે લવ સ્ટોરી સલમાન-કેટની ચાલતી હતી અને લગ્ન રણબીર અને કેટનું થશે. આ ચર્ચાથી સલમાન-કેટરીના વચ્ચેના સંબંધો ખટાશમાં પડી ગયા તેમની વચ્ચે બ્રેકઅપ થઈ ગયુ.
આ બધાના પરિણામ રૂપે સલમાને પોતાની ડ્રીમ ફિલ્મ 'વીર'માં કેટરીનાને લેવાને બદલે કેટરીના જેવી લાગતી અભિનેત્રી ઝ્રરિનને સાઈન કરી લીધી. આ અગાઉ પણ જ્યારે એશ્વર્યા સાથે સલમાનનું બ્રેકઅપ થયુ હતુ ત્યારે સલમાને પોતાની ફિલ્મ 'લકી' માં એશ્વર્યાની હમશકલ સ્નેહા ઉલાલને અભિનેત્રી તરીકે લીધી હતી.
જ્યારે સલમાને 'વીર'માં ઝરિન ખાનને સાઈન કરી ત્યારે સૌને લાગતુ હતુ કે હવે સલમાન કેટરીનાને ભૂલી જશે.. હવે આ બંને ક્યારેય ભેગા નહી થાય. .
એ દરમિયાન જ બિગ બોસના એક એપિસોડમાં હોસ્ટ સલમાને કેટરીનાને આ પ્રશ્ન કર્યો હતો.. કે તમને કયો હીરો ગમે છે અને કેટરીનાએ કહ્યુ હતુ કે અક્ષય કુમાર... અને સલમાને પોતાની ભડાશને સાર્વજનિક કરી હતી. આ બધી ઘટનાઓથી તેમના બ્રેકઅપની ચર્ચાએ જોર પકડ્યુ હતુ. બંને પોતાની જાતને સિંગલ બતાવતા હતા.
પણ નસીબ આ બંનેને એકવાર ફરી ભેગા કરવા માંગતુ હતુ. 2011માં એક ઈંટરવ્યુ દરમિયાન કેટરીનાએ એકરાર કર્યો કે તે સલમાન સાથેના રિલેશનમાં ગંભીર હતી. હવે બંને ફરી એકવાર ફિલ્મ 'એક થા ટાઈગર'માં સાથે આવી રહ્યા છે. આ ફિલ્મના ગીતો અને ટ્રેલર જોઈને લોકોને ફરી તેમની વચ્ચેની કેમેસ્ટ્રી દેખાવા માંડી. હાલ બંનેની જોડી ફરી એકવાર ચર્ચામાં આવી છે. પણ આ જોડી વિશે તેમના નિકટના લોકો પણ કહે છે કે તેમના વિશે કંઈપણ કહેવુ મુશ્કેલ છે. કારણ કે સલમાન-કેટ ખુદ પોતે જ પોતાના સંબંધોને લઈને કંફ્યુઝ છે.
આમ પણ સલમાન પોતાના જીવનમાં આવેલ ગર્લફ્રેંડને લઈને ખૂબ પઝેસિવ રહેલા જોવા મળ્યા છે. તેમનો ગુસ્સો અને તેમનો પઝેસિવ થવાનો નેચર તેમના જીવનમાં કોઈ ગર્લફ્રેંડને ટકવા નથી દેતો. સલમાન-કેટની લવ સ્ટોરી ક્યા પહોંચશે એ નો જવાબ તો આવનારો સમય જ આપી શકશે. કારણ કે..
હર કિસી કો નહી મિલતા યહા પ્યાર જીંદગીમે.. ખુશ નસીબ હૈ વો જીનકો હૈ મિલી યે બહાર જીંદગી મે...
