अधिक मास में पढ़ें ब्रह्मा रचित श्री कृष्णस्तोत्र

अधिक मास में करें श्री कृष्णस्तोत्र  वाचन    

ब्रह्मोवाच :

श्री कृष्ण भगवान

रक्ष रक्ष हरे मां च निमग्नं कामसागरे।

दुष्कीर्तिजलपूर्णे च दुष्पारे बहुसंकटे॥1॥

भक्तिविस्मृतिबीजे च विपत्सोपानदुस्तरे।

अतीव निर्मलज्ञानचक्षुः-प्रच्छन्नकारणे॥2॥

जन्मोर्मि-संगसहिते योषिन्नक्राघसंकुले।

रतिस्रोतःसमायुक्ते गम्भीरे घोर एव च॥3॥

प्रथमासृतरूपे च परिणामविषालये।

यमालयप्रवेशाय मुक्तिद्वारातिविस्तृतौ॥4॥

बुद्ध्‌या तरण्या विज्ञानैरुद्धरास्मानतः स्वयम्‌।

स्वयं च त्व कर्णधारः प्रसीद मधुसूदन॥5॥

मद्विधाः कतिचिन्नाथ नियोज्या भवकर्मणि।

सन्ति विश्वेश विधयो हे विश्वेश्वर माधव॥6॥

न कर्मक्षेत्रमेवेद ब्रह्मलोकोऽयमीप्सितः।

तथाऽपि न स्पृहा कामे त्वद्भक्तिव्यवधायके॥7॥

हे नाथ करुणासिन्धो दीनबन्धो कृपां कुरु।

त्वं महेश महाज्ञाता दुःस्वप्नं मां न दर्शय॥8॥

इत्युक्त्वा जगतां धाता विरराम सनातनः।

ध्यायं ध्यायं मत्पदाब्जं शश्वत्‌ सस्मार मामिति॥9॥

ब्रह्मणा च कृतं स्तोत्रं भक्तियुक्तश्च यः पठेत्‌।

स चैवाकर्मविषये न निमग्नो भवेद् ध्रुवम्‌॥10॥

मम मायां विनिर्जित्य स ज्ञानं लभते ध्रुवम्‌।

इह लोके भक्तियुक्तो मद्भक्तप्रवरो भवेत्‌॥11॥

॥ इति श्रीब्रह्मदेवकृतं कृष्णस्तोत्रं सम्पूर्णम्‌ ॥