Wife abstained from sex for 9 years- 9 વર્ષથી સાથે રહેવા છતાં યુવતીએ તેના પતિ સાથે એક વખત પણ શારીરિક સંબંધ બાંધ્યા ન હતા આ વાત 9 વર્ષ પછી ત્યારે સામે આવી જ્યારે આ પતિએ કોર્ટનું શરણ લીધું. અરજદારે વર્ષ 2014માં એક યુવતી સાથે લગ્ન કર્યા હતા. બંનેની મુલાકાત એક પોર્ટલ દ્વારા થઈ હતી. બંનેનું લગભગ એક વર્ષ સુધી અફેર હતું અને પછી બંનેએ લગ્ન કરવાનું નક્કી કર્યું. પ્રેમ લગ્ન હોવા છતાં યુવતીએ લગ્ન બાદ તેના પતિ સાથે શારીરિક સંબંધ બાંધ્યા ન હતા. પતિએ સંતાનની ઈચ્છા દર્શાવ્યા બાદ પણ પત્ની પતિ સાથે સેક્સ કરવા તૈયાર નથી. આ વ્યક્તિ લાંબા સમય સુધી તેની પત્નીની રાહ જોતો રહ્યો, પરંતુ હવે તેણે દિલ્હીની કોર્ટમાં જવાનું નક્કી કર્યું.
લગ્ન પછી તમારા પાર્ટનરને સેક્સ કરવાથી રોકવું એ માનસિક ક્રૂરતા છે.
હવે આ મામલે કોર્ટે પોતાનો ચુકાદો આપ્યો છે. કોર્ટે તેને માનસિક ક્રૂરતા ગણાવી છે. કોર્ટના મતે પતિને 9 વર્ષ સુધી શારીરિક સંબંધ બાંધવાથી રોકવું એ માનસિક ક્રૂરતા છે.
કોર્ટ કહ્યું કે જાતીય સંભોગ અથવા સેક્સ એ લગ્નનો પાયો છે. સુમેળપૂર્ણ જાતીય પ્રવૃત્તિ વિના, કોઈપણ લગ્ન માટે લાંબા સમય સુધી ચાલુ રાખવું અશક્ય છે કારણ કે તે લગ્નના પાયા પર પ્રહાર કરે છે. એટલે કે જો બંનેમાંથી કોઈ પાર્ટનર બીજા પાર્ટનરને સેક્સ કરવાની પરવાનગી ન આપે તો લગ્ન જોખમી છે.
